Monday, February 1, 2010

Earn Cold Cash By Being Sleepy

Umuwi ako sa bahay nang bandang alas-dos ng hating-gabi, galing sa coffee session naming magkaka-barkada. Martes nu'n at maaga pa ako sa opisina. Pinaniwala ko ang sarili ko na kayang-kaya kong matulog nang tatlong oras kahit na sobrang antok na ako (nawala na yata 'yung epekto ng kape sa'kin). At dahil hindi ako nakainom ng tubig bago umuwi at tuyo na ang lalamunan ko, halos gumapang na ako para uminom ng tubig na nasa refrigerator bago dumiretso sa kama, dala nga ng sobrang antok. Siguro hindi na tumagal ng ilang sagit at dumiretso na ako sa Dreamland.

Nagising ako nang may alas-sais na ng umaga - medyo sapat pa ang oras para maghandang pumasok sa opisina. Sobrang antok pa rin, gumapang ulet ako na parang bayawak upang maligo at magbihis. Nang aalis na ako, napansin kong nawawala ang wallet at cellphone ko, na totohanan nang gumising sa akin.

Binaliktad ko ang kama, hinalukay ko na ang cabinet ko, hinukay ko na 'yung computer desk ko, hindi ko makita. Umagang-umaga at nagpapa-ulan na ako ng mura sa sobrang pagka-badtrip. Nasayang ang oras ko sa paghahanap, na parang gumising ako sa wala. Frustrated, napagpasyahan kong 'wag nang pumasok at natulog na lang ulet.

Gumising ulet ako nang lagpas-tanghali na. Sabog at hindi pa rin malaman ang gagawin. Tuliro dahil maraming mahalagang bagay ang nasa wallet kong nawala, at dismaya dahil nawala din ang cellphone ko kahit ginagawa ko na lang siyang music player. Matapos magpungas-pungas, bumaba ulet ako sa kusina at uminom ng tubig.

Pagkabukas ko pa lang ng refrigerator, kitang-kita na ang resulta ng sobrang kaantukan at katangahan ko. Nagpapalamig sa isang shelf sa loob ng refrigerator ko ang cellphone, wallet, pati ang company ID kong may mga nakasabit na susi. Sa sobrang kaantukan ko nu'ng bago ako matulog, malamang nailagay ko diyan ang lahat ng mga gamit sa bulsa ko.

Cold cash.



Picture Of The Day



Music: Audioslave - Show Me How To Live
Mood: Horny
Quote: "I'm good in bed. I can sleep for days."

8 comments:

  1. Benta! Medyo sabaw. Medyo lang. Hahaha! Baka naman nauuhaw o nagugutom lang din sila at sila mismo gumapang papuntang ref.

    Pero at least nakapagpahinga ka for the day. Thanks to your wallet. :p

    ReplyDelete
  2. hahahahaha! malamig lamig pa! grabe! pagkaulyanin na rin yan dude! hakhak!
    pero nagawa ko na rin ata yan pero hindi sa ref... sa basurahan naman! lintik na yan oh! isang libo binabasura ko! buti nakita ng nanay ko at ayun inulan ako ng sermon1

    ReplyDelete
  3. cold cash nga! haha! ginawa mo namang vault yung ref nyo eh. ang masaklap lang dyan nabadtrip ka ng walang dahilan. pero atleast nakapagpahinga ka pa rin.

    ReplyDelete
  4. Hahah grabe ang nagagawa ng sobrang pagkaantok. Nakapagpasaya ka ng tao ngayon kuya Jake :D Salamat

    ReplyDelete
  5. HAHAHAHAHA. PAGOD KA NGA. pahinga ka jake please.. and hydrate, hydrate, hydrate... ok? *take care*

    its a funny experience, though... :) but you need to SERIOUSLY REST. okkkkk???

    ReplyDelete
  6. cold, cold cash nga. XD you're the man!

    ReplyDelete

Comments are moderated. Credit is good but we need cash.

LinkWithin

Related Posts with Thumbnails