Tuesday, March 2, 2010

Ex Boyfriend added you as a friend on Facebook...

Minsan, hindi ko maipaliwanag 'yung hiwagang nararamdaman ko kapag nakikita ko 'yung mga updates ng ilan sa mga naging ex-girlfriends ko sa News Feed ng Facebook. Pero lilinawin ko lang na wala na akong bakas ng pagkayamot (haha, yamot) na nararamdaman dito. Wala, minsan medyo nagiging interesante lang din kung ano na bang bago sa kanila, given na may isang point sa buhay nila na ako 'yung boyfriend nila. Tapos makikita ko ngayon kung ano na ba sila ngayon, na madalas e makikita sa mga photo albums kapiling ang boyfriend nila ngayon.

Dati-rati, naniniwala ako na kapag tapos na ang isang relationship sa pagitan ng dalawang magka-relasyon, wala na ring saysay kung magkakaroon pa sila ng ugnayan o kahit na anong communication. Ano pa bang silbi at ano pa bang pag-uusapan? Pwedeng sabihin na hindi ako naniniwala sa "friends after lovers," o 'yung tipong pwede kong maging kaibigan ang isang ex-girlfriend matapos ang relationship, lalo na kung medyo hindi naging maganda ang takbo ng hiwalayan. Naalala ko pa no'n na pagkatapos kong palitan ang status kong "In A Relationship" ("Married" pa nga minsan, para pauso lang) sa "Single," dini-delete ko 'yung ex ko sa Friendster, Facebook, Multiply, at pati sa Yahoo! Messenger at maging 'yung number nila sa phonebook ko. Wala, ayoko lang kasi na magkaroon pa ng ugnayan kasi pakiramdam ko e lalo lang kaming magkakasakitan, na baka pare-pareho lang kaming mahirapang mag-move on, na baka hindi na matapos ang pasahan namin ng sisi at guilt.

Pero mukhang hindi naman nangyari 'yung ganu'n. Hindi naman sa dahil naging kaibigan ko 'yung ilan sa kanila taliwas sa paniwala ko, pero parang wala din naman gaanong naging epekto sa buhay ko. Pero bago 'yan, may panahon ding binilang na wala sila sa friends' list ko at wala akong narinig sa kanila, dahilan para maka-move on din naman ako. But the next thing I know, hinahanap ko sila sa Facebook at ina-add ko sila isa-isa. Maliban sa medyo curious ako sa hitsura at katayuan nila ngayon, at maliban na rin sa pamparami lang ng friends' list ko, wala naman akong ibang layunin para dito. Karamihan naman e in-approve, may mangilan na Missing In Action (last log-in: October 2006), at may isa o dalawa na nag-reject (at constant 'yan). At hindi ko man sila in-add ulet sa YM, nakikipag-usap naman ako na parang normal kapag nagmi-message sila at nangagamusta.

At may mga pagkakataon dati na magkakabalikan kami ng ex ko. Nang malaman niyang ina-add ko ulet siya sa mga profiles ko, malamang sa malamang e bagong isyu na naman 'yan.

Kaugnay nito, babanggitin ko na rin 'yung mga tao na pwede kong tawaging "should-have-beens." 'Yung mga tipong "the ones that got away," na kung naging maganda lang ang takbo ng tadhana e naging girlfriend ko na rin. Maraming dahilan - isa sa amin ang hindi naging consistent, tinamad na lang ako, hindi siya nagkaroon ng sapat na interes, hindi namin nai-akyat sa mataas na level ng courtship/friendship, o sadyang hanggang du'n na lang talaga. Same funny feeling din kapag minsan kong nasisilayan 'yung mga updates at recent photos nila. Pero bukod diyan, never heard na rin sila sa'kin. Wala na akong personal na update sa kanila dahil hindi ko na rin naman sila nakakausap. Sa pagtingin sa mga kinalolokohan este kinalulugaran nila ngayon, may kakaunting bakas pa rin ng pagkahinayang akong nararamdaman, pero napaka-minor lang at hindi magdadahilan ng kung anuman.

Nitong mga nagdaang araw, tiningnan ko sa Facebook 'yung karamihan sa mga ex ko nasa friends' list ko. Wala, gusto ko lang makibalita. May kakaunting switch pa rin akong naramdaman nu'ng tiningnan ko 'yung mga photo albums nila. Outing dito, foodtrip diyan. Nakatambay sa isang magandang lugar, magkasamang bagong-gising sa kama. I just had to get this funny unexplainable feeling. But in any case, wala na akong dapat pang isipin sa mga nakaraang nangyari at marapat lamang na maging masaya kami sa kani-kanya naming mga buhay, lalo na ako.

At bago ko tapusin ito at bago rin makarating ang entry na ito sa kanila (kung sakali), ang ilan sa mga ex-girlfriends ko e masasabi at kinikilala ko bilang kaibigan na ngayon, online man o offline. Nagre-reply-an sa Plurk at Twitter, nangangamusta sa YM, kapalitan ng quotes sa text, at manaka-nakang coffee sessions.

(Galing ito sa isang random thought na nai-Plurk ko.)



Picture Of The Day


Masubukan ko nga din 'yan minsan. (Source: Failbooking)

Music: The Killers - Mr. Brightside
Mood: Apathetic

17 comments:

  1. lol :P at wala nakong nasabi pa.. haha! :)) outing at foodtrip pics, medyo nakarelate ako dun. :)) am glad we're still friends :) ingat jake! ;)

    ReplyDelete
  2. from an ex-gf's point of view:

    yes, mag-accept ako ng request from exbf. pero ihi-HIDE ko yan. para lang masabing di ko nireject. haha

    ReplyDelete
  3. paano kung si boyfie ko yung naghahanap sa EX's niya? gusto niya lang daw malaman kung ano na nangyari sa knila..papayagan ko bang hanapin yung Ex niya sa facebook..? konting advice naman dyan...

    ReplyDelete
  4. parang andami naging ex ah!
    hahaha!

    tsong natawa ako sa picture of the day! hahahaha! ang lupet ng banat! matry nga din minsan! hahaha!

    ReplyDelete
  5. Jake! You still have me! As a friend that is. And you know that. :D

    -RAINE

    ReplyDelete
  6. Jake, matagal na akong reader ng mga entries mo and yes, up this point namamangha talaga ako sa writing style mo.

    Regarding sa topic mo, para sa 'kin ayos lang naman na iadd ang ex sa social networking sites. Kaibigan pa din naman sila eh.

    ReplyDelete
  7. Ikaw na ang madaming ex! Haba ng haiiir! Hahaha. XD

    ReplyDelete
  8. in fairnessssssssss, natawa ko! RIOT tong post mo na to!

    ReplyDelete
  9. salamat kay AlexDeRossi at napadpad ako sa blogsite mo.. infairness tama sya, sana nga may ganon ano? you have 4 ex-boyfriends in common, or your ex-boyfriend's girlfriend added you lolz

    ReplyDelete
  10. ok lng.. pag matagal na ang break-up. pag fresh.. id rather not hear from any of them. yet. :) nasa convention of love ni paulo c. un. hehe. i shouldve tagged you. i guess ill go tag you sa fb. :)

    ReplyDelete
  11. groups: ex-gf's. oy wag kang ganyan. kalurki. haha. nice blog, anyway. laftrip din. hehe

    ReplyDelete
  12. ibang case naman sa akin. pag nakipag break kasi ako, i want the communication to stay. kung hindi man kami friends, mas lalong hindi kami dapat enemies. the problem is, nung may bago na ako, gusto niyang alisin ko lahat sa sistema ko yung remnants (whataword!) ng mga ex ko. delete sa facebook, sa ym, sa cellphone. ang mas masakit dahil wala akong magawa. kesa naman mapagbintangan akong may plano pang makipagbalikan sa ex ko. syempre ayaw ko ng gulo. pero hindi pa rin ako makatulog. ayokong isipin ng ex ko na naglaho na lang ako na parang bula. napaka-out of my character.

    anyways, ang ganda ng blog mo. :-)

    ReplyDelete
  13. Ako yun din ang iniisip ko na pag may ex. Ayoko na ng may communication pa after the break up. Buti siguro kung friends (one of the barkada) talaga kayo before naging kayo. Kaya minsan inis ako if nakikipagcommunicate pa yun bf ko dun sa ex nya. Like ikaw dba sabi mo may "switch" kang nararamdaman if nakikita mo yun updates nila sa FB, e paano pa kaya yun kausap/katext or kasama dba? Ewan sarado kung sarado ang isip ko pero ganun talaga nararamdaman ko :(

    Biglang naglabas ng sama ng loob :P

    ReplyDelete
  14. naaliw ako dito dahil nag-add ako ng mga ex nung nakaraan. haha. okay naman. :-) pero hindi ganun karami, parang isang dosena at puwede ng bumuo ng sariling Facebook group yung exes mo eh. hahaha. :-D

    ReplyDelete
  15. >> The "switch" feeling hits me :) Its okay for me to add them back but the treatment would definitely be different this time. ampalaya mode.. haha joke!

    nice post :)

    ReplyDelete
  16. hahahahha!!! Darn! Ang cool naman ng mga post mo:) Tama nga! ^_^ makabasa pa nga sa iba:)

    ReplyDelete
  17. Nice. Interesante tong post na ito :-)

    ReplyDelete

Comments are moderated. Credit is good but we need cash.

LinkWithin

Related Posts with Thumbnails